COPYRIGHT NOTICE!

உங்களைப் போல் தான் நானும். என் தேடல்களில் பதிந்த‌ காலடித்தடங்கள் இவை. எனவே, இந்த பதிவில் காணப்படும் எதையும் என் அனுமதியோடு மட்டுமே பயன்படுத்திக் கொள்ளலாம்.

Saturday, June 28, 2008

வால் ஈ விமர்சனம்



வால்-ஈ வெள்ளிக்கிழமை (ஜூன் 27, 2008) முதன்முதலாக திரையிடப்பட்டது.

இந்த சிறுவர் படங்களுக்கு முதல் நாளே போகவில்லையென்றால், எங்க வீட்டு வானரங்கள் (சின்னது 2, பெரிசு 1) தொல்லை செய்யும். ஆதலால், அவர்கள் இழுத்த இழுப்பில் நான் போய்விடுவேன். அரங்கு நிறைந்திருந்தது. கங்ஃபூ பாண்டாவும் இப்படித்தான் போனோம் --- ஆனால், அரங்கில் ஈ ஓட்டியது நான் தான் (பின்ன? மேற்படி வானரங்கள் வாய்க்குள்ள போயிடுச்சுன்னா என்ன செய்றது, எந்த திரையைப் பாத்தாலும் ரெண்டு கண்களும் வாயும் திறந்து பார்த்துடுவாங்க!). ஆனா வால் ஈ யிலோ குட்டிப்பசங்க (5க்கும் கீழ்) பெரிய குழந்தைங்க (25க்கு மேல்) நன்றாக சிரித்தார்கள். என் எட்டு வயது வாண்டுக்கு ஏற்கனவே பூமி பற்றி கவலை, ரொம்ப சிரத்தையாக எல்லாவற்றையும் பற்றி கேட்டுக் கொண்டது (நாளைக்கு பெரிய கவிதை விளையும் இதனால்:-)

சரி, ஸ்பாய்லர் அலெர்ட். கதை படிக்க வேண்டாம்னா, இந்த கவிதை பதிவு, அறிவியல் பதிவு படிக்கும் போது செய்றாப் போல் அடுத்த பத்திக்குக் கண்ணை ஓட்டிடுங்க. இந்த பத்தி தான் கதை. இதுக்கப்புறமும் இந்த பத்தி படிச்சீங்கன்னா, அது உங்க இஷ்டம். பூவுலகில் 2110ல் உயிரினம் வாழ இயலாது நேர்கிற போது, மனித உயிர்கள் எல்லாம் விண்ணூர்திகளில் உயிர் வாழ்கின்றன. ஒரு சின்ன்ன்ன்ன ரோபோ .. பேர் வால்-ஈ. அதற்கு இந்த பூமியின் குப்பைகளை குறுக்கிஅடைத்து சுத்தம் செய்யும் வேலை கிடைக்கிறது. அவ்வப்போது பூமி உயிர் வாழத்தக்கதாயிருக்கிறதா என்று அக்ஸியம் விண்ணூர்தியில் இருந்து பார்க்க வரும் ப்ரோப்களில் ஒன்றான ஈவாவுக்கும் வால்-ஈக்கும் 29வது நூற்றாண்டில் நிகழும் காதல் கதை. பூமிக்கு மனிதர்கள் திரும்புவார்களா என்பதை வெள்ளி / டிவி / கம்ப்யூட்டர் திரைகளில் காண்க.

படம் பரவாயில்லை. எப்பவும் போல், லாஜிக் பார்க்கறவங்க வேற தியேட்டர் போயிருந்திருக்கணும். தசாவதாரம் நல்லா இருந்ததுன்னு சொன்னா, "இன்கன்வீனியன்ட் ட்ரூத்" நல்லா இருந்ததுன்னு சொன்னா, இந்த படம் சூப்பர். குழந்தைகள் இன்னும் சிலகாலம் (கெ.பி. அம்மாக்களும் கூட) வால் ஈ, ஈவா ன்னு ப்ரேக் ச்க்றீச் குரலில் கத்திக் கொண்டிருப்போம்.

வால் ஈ விளையாட்டு விளையாட...
படம் பற்றி இன்னும் அறிய...
படம், செய்தி நன்றி / Thanks To: வால் டிஸ்னி (Walt Disney), திமூவிபாக்ஸ் (The Movie Box)

4 comments:

Vijay said...

இங்க படம் இன்னும் ரிலீஸே ஆகல...எனிவே பாக்கணும்னு ஆசைய தூண்டிவிட்டுட்டீங்க...

Vijay said...

:))

அகரம் அமுதா said...

உயர்திரு தோழர் அவர்களுக்கு தங்களின் வெண்பா எழுதும் ஆற்றலை இயன்றவரையில் இனிய தமிழ் வலையின் மூலம் அறிந்தேன். எனது வெண்பா எழுதலாம் வாங்க வலைத்தளத்தில் ஈற்றடிக்கு வெண்பா எழுதும் விளையாட்டை நடத்திவருகிறேன். அதில் கலந்து கொள்ள தங்களை அழைக்கிறேன். நன்றி http://venbaaeluthalaamvaanga.blogspot.com/

Unknown said...

அகரம் அமுதா, //தங்களின் வெண்பா எழுதும் ஆற்றலை இயன்றவரையில் இனிய தமிழ் வலையின் மூலம் அறிந்தேன்//, நான் வெண்பா சமீபத்திலெங்கும் எழுதவில்லையே? என்னை வேறு யாரோ என்று நீங்கள் நினைத்திருக்கலாம். மன்னிக்க!