வரவுகளும் செலவுகளும்

அந்த பசிக் குரலுக்கு நான்
நின்று போயிருந்திருக்கலாம்.
நீட்டிய கைகளில்
வெறுப்பைத் தவிர வேறேதும்
தந்திருக்கலாம்.
பிச்சை எடுத்த சிறுமி ஒருத்தி
தூக்கிக் கொண்டிருந்த கைக்குழந்தை
அவள் தம்பி ஆகவே இருந்திருக்கலாம்.
குருட்டுப் பாடலென்று
சொல்லாமல்
நின்று அவதானித்து இருக்கலாம்.
இருக்கையிலிருந்து நான் நிமிர்ந்து பார்த்திருந்தால்,
கிழவிக்கு எழுந்து இடம்
கொடுத்திருக்க வேண்டியிருந்திருக்கும்.

அவை செலவுகளாய் இருந்திருக்கும்.

என் மேலாளருக்காய்க் கதவு திறந்து,
அசடு வழிய காத்திருந்த நேரங்கள்
வரவுகள் தாமே!